HAUTNAH
CALI & STÄFFE 2008
Cali:
Ala
Ala
Ala
Alavi
Alavi
Alaviou
Alaviou, Willisau people!
Sawiris rettet Andermatt und Kanton Uri
Russischer Oligarch rettet Wallis
Alavi rettet Willisau
Alavi rettet ganze Schweiz!
Mein StratXX-Luftschiff wird Informationstechnologie revolutionieren. Aber brauchen noch etwas Geduld wegen viele Bewilligungen. Aber mit spezielles Luftschiff-Material lassen sich viele interessante Nebenprodukte entwickeln. Luftschiffmaterial ist ganz, ganz dünn: Ist gut für Airbag, für Anzüge von Astronaut.
Ja, liebe Willisauerinnen und Willisauer, neues Alavi-Produkt ist dünn wie Haut: Wir haben gemacht grandiose Erfindung. Sie wird präsentiert von unserem Prototyp aus Darmstadt bei Käppelimatt.
Auftritt Stäffe mit „Alles hat ein Ende, nur die Wurst hat zwei...“.
Cali:
Schauen Sie, liebe Leute, welch dünne Cervelat-Haut hat erfunden Kamal Alavi. Welch wunderbare Wurst hat erfunden Kamal Alavi!
Stäffe:
Pass uf, gäu, ich bi kei Worscht, du Kam...Kam, du Kamel Palavri!
Und überhaupt, ich weiss ned, öb die Zeppelin-Huut tauglich isch für üsi Cervelat.
Cali:
Aber sicher: Neue Cervelat ist zart wie eine Filet im Darm.
Stäffe:
Jo, d Cervelat isch en geniali Worscht
Sie stillt de Hunger und löscht de Dorscht!
Cali:
Neue Cervelat-Haut wird bringen Willisau gigantischen Wirtschafts-Boom.
Stäffe:
Mer merkt ämu no nüd. Und d Börse gheit au in Chäller.
Cali:
Aber Willisauer Banken haben schon reagiert auf neue Cervelat-Geschäft: Raiffeisen hat gebaut monumentale Haus beim Mohren, Valiant will bauen noch gigantischere Anlage bei Bruggmatt und grössenwahnsinnige Kantonalbank überbaut ganze Postplatz.
Stäffe:
Läck, gett das es Banke-Viertel. De chönd sie denn d Stross grad nomol neu baue. Denn vor luuter Bank fendsch chum no de Rank!
Cali:
Und vielleicht wird aus alte Leuen noch Bank Leu.
Stäffe:
Jetzt isch au klar, worum de Leue-Bärti unbedingt wott wiitermache! Die Lag a de Weggere isch en Goldgruebe: Jetzt chann är denn im neue Entlastigskanal im Ondergrond ganz diskret Gäld wäsche!
Cali:
Wir werden mit unsere Cervelat auch andere serbelnde Willisauer Gaststätten zu neuem Leben erwecken.
Stäffe:
Jo, d Korporation heig bereits d’Chrone kauft.
Cali:
Das Motto heisst: fast wood statt fast food.
Stäffe:
S Forstpersonal serviert 24 Stond lang Waldfäscht a discretion.
Cali:
Und die vereinigte Willisauer Cervelat-Prominez gibt wie früher den Senf dazu!
Stäffe:
Deför gitts im Städtli bald nur no Pizza und Kebab.
S undere Städtli isch fest i de Hand vo de ehrewärte Gsellschaft.
Cali:
Was meinst du?
Stäffe:
Psst, ich säge nur: Maffioli!
Cali:
Nach dem Hirschen kontrolliert er auch das Poem mit eiserner Fausto.
Stäffe:
Und jetzt grabet er no en unterirdische Gang i Schwane öbere
Cali:
Und eröffnet eine alternative Salumeria: Salami warm im Cervelat-Darm.
Stäffe:
Aber ei Beiz serviert ganz bestimmt kei Cervelat.
Cali:
Welche?
Stäffe:
De Möhre: Det gitts usschliesslich Wysswörscht.
Cali:
Die Cervelat wird zum neuen grossen Wahrzeichen von Willisau, noch viel berühmter als Willisauer Ringli.
Stäffe:
Das wird sicher üses Trixli freue. Denn überholt sie
s Schwägler Mägi wieder als Touristen-Attraktion Nummere eis.
Cali:
Ja, Trixli braucht dringend neue Aufgabe, jetzt wo sie geht bald in Pension – sonst wird sie im Alter noch wie Willy.
Stäffe:
De Christchindli-Märt hätt sie au ned sölle abgää. Mit dem neue Oberchristchindli isch dä frommi Märt jo nömme jugendfrei.
Cali:
Das versteh ich nicht. Warum denn?
Stäffe:
Früehner hend üsi Chind uf ihre Wonschzättu noch chönne schriebe „Liebs Christchindli, aber jetzt heissts: „Liebe Martha“...
Cali:
Die Welt verändert sich. Auch wir Unternehmer müssen uns ständig anpassen an neue Gegebenheiten.
Stäffe:
Sogar üsi Politiker hend neui Näme übercho:
d Grossröt nenne sich jetzt ganz gschwolle: Kantonsröt.
Cali:
Da hat sich der Büsi Hans gesagt: Wenn meine Frau neuen Namen hat, muss ich auch etwas verändern. Meine Reinigung heisst jetzt nicht mehr Büsi, sondern Kater.
Stäffe:
Aber de heroischi Kampf vom Büsi Hildi für üsi Bruefsschuel zahlt sich us: De Kanton cha doch de neue Cervelat-Hochburg Willisau sicher nömme d’ Metzgerlehrling ewäg nä.
Cali:
Im Gegenteil: Das BBZ wird ausgebaut und auf der Gulp eine Cervelat-Akademie eröffnet mit eine absolute Fleischfachmann als oberste Direktor.
Stäffe:
Jäää, öppe de Willy?
Cali:
Nein, der Herr Schwein-gruber.
Stäffe:
Dumme Seich, dä hett kei Zyt. Dä muess das Projekt „Schule mit Profit“ oder wie das heisst dörezieh. Mit Früehänglisch ond so Züüg.
Cali:
Englisch ist wichtig für die globalisierte Wirtschaft.
Stäffe:
Cha jo si. Aber es chonnt no sowiit, dass ich dem Regierigsrot nömme Toni Schwingrueber säge, sondern Anthony Swingrufti.
Cali:
Neue Cervelat wird beleben auch die Willisauer Kultur.
Stäffe:
Jo, be üs hende i de Chäppalimatt-Chäsi getts jetzt es Fläsche-Museum.
Cali:
Ja, ja: Käppelimatt ist idealer Standort für Flaschen...
Stäffe:
Für Kamel au!
Cali:
Auch die Sportvereine werden Aufschwung haben mit dem neuen Cervelat-Boom.
Stäffe:
Sicher. Ufem Schlossfäld bissisch lieber ine knackigi Wurst als dene Wörscht umfem Fäld zuezluege.
Cali:
Und die Ringer holen ihre Kraft künftig in der Metzgerei statt in der Apotheke.
Stäffe:
Und de Schnupfclub Willisau hett en sensationelle Transfer tätigt.
Cali:
Jetzt ist er unbesiegbar mit seine neue Star...:
Stäffe:
...Martina Hingis!
Cali:
Zurück zum Thema: Für die Produktion von original Willisauer Cervelathäute brauchen wir viele neue Arbeitskräfte.
Stäffe:
Jo dänk no honderti vo Arbeiter äneschleipfe.
Cali:
Nein, nein...
Stäffe:
Dänk no Usländer, he?
Cali:
Aber nein...
Stäffe:
Öppe no Araber, he?
Cali:
Nein, nicht doch...
Stäffe:
Jo, Araber, sowit chonnts no.
Cali:
Nein...
Stäffe:
Suufe dörfed sie au ned, die Araber. De wird dänk d’Diwisa no alkoholfrei oder was...
Cali:
Aber nein, beruhigen sie sich...
Stäffe:
Und usem Silo vo de Müli im Rossgassmoos macheder dänk no so nes dings da, sones Minarett...
Cali:
Aber bitte, mein Herr...
Stäffe:
Und üse Pfarrer Martin wird no zum Muezzin...
Cali:
Aber nicht doch...
Stäffe:
Das chönder denn vergässe. Das wärde mer verhindere. De Schaller Seppi blochet jetzt scho ganz Willisau ab und sammlet jede Mörgali Unterschrifte.
Cali:
Hoffentlich er vergisst nicht die Unterschriftenbögen rechtzeitig abzusenden.
Stäffe:
Ihr wärdid no stuune: De Seppi hett en Gheimplan.
Cali:
Will er vielleicht Stadtrat werden?
Stäffe:
Nei, är goht i d’Opposition!
Cali:
Was ist das?
Stäffe:
Also Opposition isch en Position, wo mer opponiert, oder, also mer goht in Position und jo, wie s Wort scho seit, ine Op-position, also mer weiss ned gnau ob mer en Position hett i de Op-position, uf al Fäll muess mer i de Opposition, oder, mer muess sich positioniere, oder, das isch jo klar, oder, wöu, oder, i de Opposition... Ach chomm, frog doch de Schaller Seppi sälber!
Cali:
Ich verstehe, ist wie in meine alte Heimat: Ayatollah sagt (H)OP und alle gehen in Position.
Stäffe:
So, mer müend wiiter.
Cali:
Ja, du musst mir zeigen noch andere Beizen von Willisau. Wir nehmen Auto. Ich fahre.
Stäffe:
Mer starte bim Leue
Cali:
Scho bald getts en neue
Stäffe:
So wart en Minute
Cali:
Do hinde tüends hupe
Stäffe:
Mir wend ihm gedänke
Cali:
Zum Abschied ihm schänke
Stäffe:
En Blick no, en Handkuss
Cali:
Vo rächts chonnt en Postkurs
Stäffe:
Gib Gas, mer müend wiiter
Cali:
Fahr du doch, s wär gschiiter
Stäffe:
Do vorne, en Laster
Cali:
Das romplet, das Pflaster
Stäffe:
Jetzt chonnt d’Adlermatte
Cali:
Verdammi – en Platte
Stäffe:
Fahr wiiter, sie dröcke
Cali:
Do links isch en Löcke
Stäffe:
Bisch bsoffe, so stopp jetz
Cali:
Geb Rueh uf dim Chinds-Setz
Stäffe:
Lueg vorwärts – was isch das?
Cali:
Kei Ahnig – jetzt Vollgas
Stäffe:
Bisch wahnsinnig, aua
Cali:
Ich ghörs no miaua
Stäffe:
E Chatz liit am Bode
Cali:
Si tued nömme rode
Stäffe:
Do vorne de Friedhof
Cali:
Jetzt links ha, isch das doof
Stäffe:
Jetzt chonnt s Heilig-Bluet-S
Cali:
Das isch doch en Saustress
Stäffe:
S chonnt eine im Stächschritt
Cali:
Grend abe – ha Vortritt
Stäffe:
Uf d’ Siite, ufpasse
Cali:
Jetzt liit er im Wasser
Stäffe:
Heb Halt, mir isch eländ
Cali:
Die Fahrt isch no ned z’Änd
Stäffe:
Jetzt links denn, nei rächts doch
Cali:
Do isch jo nes Gwaltsloch
Stäffe:
Dräi ab doch, dräi ab gschwind
Cali:
Scho z’spot – au mi arm Grind
Beide: Uaaaaaahhhhhh......
Cali:
Und jetzt, Herr Stäffe.
Stäffe:
Alles wäg dem tüüre Entlastigskanal. Wäge mir hättets dä ned müesse baue. Wenn ich mich wott entlaste, länget es Pissoir!
Cali:
Ich glaube, ich entwickle doch besser grosses Luftschiff als diese Cervelat-Haut. Dann kann ich das Willisauer Verkehrschaos bequem überfliegen. Und die Jungfernfahrt ist reserviert...
Stäffe:
...für de Cali...
Cali:
...und de Stäffe
Stäffe:
Cali
Cali:
Stäffe
Stäffe:
Cali
Cali:
Stäffe usw.
|